Две лица и правно лице од Крива Паланка се кривично пријавени поради сомнение дека неовластено продавале производи со различни заштитени трговски марки.
Од МВР информираат дека Надворешната канцеларија за криминалистички работи Крива Паланка поднела кривична пријава против Б.С. (52) и А.С. (24), двајцата од Крива Паланка, како и против правно лице од градот, поради сомнение за сторени кривични дела „повреда на права од индустриска сопственост и неовластена употреба на туѓа фирма“.
Според пријавата, лицата набавиле производи со различни заштитени трговски марки без склучени договори со компаниите што ги поседуваат брендовите, ниту со нивни овластени застапници или претставници во земјава.
Производите потоа биле изложени за продажба во деловните простории на пријавеното правно лице.
