Денеска во Кривичниот суд треба да продолжи судењето за случајот „Рекет“ во кој обвинети се Бојан Јовановски – Боки 13 и Катица Јанева. На денешното рочиште предвидено е да сведочат неколку сведоци предложени од обвинетиот Бојан Јовановски. Треба да си слушнеме исказите на сведоците Сергеј Варошлија, како и ексградоначалникот на Центар и бизнисмен Владимир Тодоровиќ.
Тодоровиќ требаше да сведочи минатата недела, но испратил известување дека е на службен пат. Покрај ексградоначалникот минатата недела требаше да сведочи и Дејан Панделески, син на осомничениот бизнисмен во „Империја“, Цветан Панделески, но ни тој не се појави, па и неговото сведочење беше поместено за оваа недела.
фото: Архива
