Професионалните војници излегуваат на протест пред Владата

Независниот синдикат на професионалните војници и Координативното тело на пензионираните припадници на Армијата за утре, 7 ноември, најавија протест пред Владата во Скопје, поради незадоволството од, како што наведуваат, игнорирањето и нерешавањето на проблемите на припадниците на Армијата од страна на Министерството за одбрана.

— реклама —

— реклама —

Протестот ќе започне во 11 часот и ќе трае до 13 часот. Организаторите најавуваат дека претседателот на синдикатот и претседателот на Координативното тело ќе дадат изјави за медиумите во 11:30 часот, пред зградата на Владата.

— реклама —

— реклама —

Од двете организации повикуваат на поддршка за нивните барања, посочувајќи дека протестот е организиран поради незадоволството од односот на надлежните институции кон проблемите со кои се соочуваат професионалните војници и пензионираните припадници на Армијата.