„Прогресивна Бугарија“ на Радев убедливо води на изборите во Бугарија

Предвремените парламентарни избори во Бугарија донесоа убедлива победа за партијата „Прогресивна Бугарија“, предводена од Румен Радев, покажуваат првичните резултати од излезните анкети објавени по затворањето на избирачките места.

Според анкетата на агенцијата „Мерка“, спроведена во 19 часот и презентирана на Бугарското национално радио, „Прогресивна Бугарија“ освоила 38,7 отсто од гласовите. На второто место е ГЕРБ-СДС со 14,8 проценти, додека трета е коалицијата „Продолжуваме со промената – Демократска Бугарија“ со 13,1 процент.

— реклама —

Во парламентот, според овие резултати, би влегле уште „ДПС – Нов почеток“ со 9,2 отсто, „Преродба“ со 5,3 проценти и „БСП – Обединета левица“ со 4 проценти.

— реклама —

Слични резултати покажува и истражувањето на „Маркет линкс“, според кое „Прогресивна Бугарија“ добила 38,9 проценти, ГЕРБ-СДС 15,4 отсто, а ПП-ДБ 13,6 проценти. Излезноста до 19 часот била 47,2 проценти.

Според проекциите за распределба на мандати, „Прогресивна Бугарија“ би имала 110 пратеници, ГЕРБ-СДС 44, ПП-ДБ 39, „ДПС – Нов почеток“ 21, „Преродба“ 14 и „БСП – Обединета левица“ 12 мандати.

— реклама —

И анкетата на „Алфа Рисрч“ потврдува водство на Радевата партија со 37,5 проценти, пред ГЕРБ-СДС со 16,2 и ПП-ДБ со 14,3 проценти.

— реклама —

Лидерот на „Прогресивна Бугарија“, Румен Радев, изјави дека очекувале победа, но нагласи дека ќе ги почека конечните резултати, како и гласовите од странство.

„Ќе направиме сè што е можно за да избегнеме нови избори“, изјави Радев, алудирајќи на можноста за формирање стабилна влада.