Променливо облачно и топло, попладне локални врнежи и невреме

Времето денес ќе биде променливо облачно со сончеви периоди. Во попладневните и вечерните часови се очекуваат повремени локални врнежи од дожд, кои ќе продолжат и во текот на ноќта кон вторник.

— реклама —

На места врнежите ќе бидат проследени со краткотрајно невреме, пороен дожд, засилен ветер и грмежи. Ќе дува засилен северен ветер, кој долж Повардарието ќе достигнува брзина до 40 километри на час.

— реклама —

— реклама —

Утринските температури ќе се движат од 10 до 17 степени, додека дневните ќе достигнат од 25 до 32 степени.

Во Скопје времето ќе биде променливо облачно и топло, со сончеви периоди. Ќе дува слаб северен ветер, а попладне во делови од Скопската Котлина се очекуваат повремени врнежи од дожд и засилен ветер. Минималната температура ќе се спушти до 18 степени, а максималната ќе достигне 28 степени.