Променливо облачно со локални врнежи, умерен северен ветер и температури до 15 степени

Според последната информација од УХМР, денес времето е променливо облачно со кратки сончеви периоди и со слаби локални врнежи од дожд, а на планините од снег. Слаб до умерен ветер дува од променлив правец, а во Крива Паланка достигна брзина до 45 km/h.

— реклама —

Во текот на денот ќе има услови за повремен локален дожд, а ноќта ќе биде претежно облачно со слаб северен, а во североисточните делови умерен ветер од североисточен правец.

— реклама —

Утре се очекува променливо облачно време, во западните делови со повремени слаби врнежи од дожд, а на планините и на повисоките места од снег. Ќе дува умерен, а наместа повремено засилен ветер од североисточен правец. Минималните температури ќе се движат од -2 до 4 степени, а максималните ќе достигнат од 8 до 15 степени.

— реклама —

Во Скопје, времето ќе биде променливо облачно со сончеви периоди, слаб до умерен североисточен ветер, со минимална температура до 2 степени и максимална до 13 степени.

— реклама —

Во наредните денови се очекува задржување на променливо облачно време со слаб до умерен северен ветер, а утринските температури локално ќе се спуштаат под нула.