По сончевиот почеток на денот, попладне во поголем дел од земјата се очекува дестабилизација на времето со појава на дожд, грмежи и засилен ветер.
Според прогнозата, времето ќе биде променливо облачно со сончеви периоди и со слаб до умерен северозападен ветер. Под влијание на циклонска активност, во попладневните часови ќе се развива нестабилна облачност проследена со врнежи од дожд и грмежи.
Локално, атмосферските процеси ќе бидат поинтензивни и ќе има услови за невреме проследено со пообилен пороен дожд, со количина поголема од 20 литри на квадратен метар, силен ветер со брзина над 60 километри на час и појава на град.
Во Скопје, во попладневните часови се очекува развој на нестабилна облачност со дожд, грмежи и засилен ветер. Во одделни делови од котлината ќе има услови за појава на краткотрајно невреме.
