Културно-Информативниот Центар – Скопје, има особена чест и задоволство да ве покани на промоција на книгата „Соништа на писателот“ од Мимоза Рајл , издавач: Арс Ламина на ден 9 јуни 2022 година, со почеток во 19:19 часот, во Салон 19:19.
Драмско – музичка промоција на книгата „Соништа на писателот“ од проф. д-р Мимоза Рајл. Ќе учествуваат еминентни уметници, актери и музичари.
“Соништа на Писателот” е најновото дело на д-р Рајл во корпусот на едно разнородно уметничко творештво, во кое преку главните ликови ги решаваме вечните прашања, се соочуваме со себе си и нашиот животен пат, се до новата свесност на убавината и смислата.
Д-р Мимоза Рајл е директор на институтот за сценски уметности на “Интернационалниот универзитет Еуропа Прима” во Скопје. Таа е професор по Естетика на аудио-визуелните уметности, како и есеист, колумнист, театарски критичар и поет.
