Полицијата го пронајде и го идентификуваше возачот кој вчера удри тригодишно девојче во Визбегово и го напушти местото на несреќата.
Како што информираат од СВР Скопје, сообраќајната несреќа се случила на 19 јуни околу 19 часот во скопското село Визбегово, кога патничко возило удрило во детски велосипед, управуван од тригодишно девојче од Скопје.
Во несреќата девојчето се здобило со тешки телесни повреди, кои биле констатирани во Комплексот клиники „Мајка Тереза“, по што возачот избегал од местото на настанот.
По преземените мерки за расчистување на случајот, полициски службеници од Одделението за увид на сообраќајни незгоди денеска го пронашле возилото и го идентификувале возачот.
Станува збор за патничко возило „Фолксваген Голф“ со скопски регистарски ознаки, управувано од 19-годишниот Џ.Б. од скопското село Добрино.
Од МВР соопштија дека над возилото е извршен преглед и фотографирање, а со возачот е извршен службен разговор.
По целосното документирање на случајот, против него ќе биде поднесен соодветен поднесок.
