Пронајден трет дрон со сомнителен експлозив кај германски аеродром: Истрагата води кон обид за напад

Германските истражители откриле трет дрон и експлозивна материја за кои се сомневаат дека се поврзани со обидот за напад во близина на аеродромот Лајпциг/Хале на почетокот на август.

— реклама —

Дронот бил пронајден на 14 август, западно од аеродромот, а во негова близина била откриена и материја тешка околу 50 грама, за која се претпоставува дека станува збор за воениот експлозив хексоген.

— реклама —

Истрагата започнала на 4 август, кога во близина на украински товарен авион „Антонов“, кој се користи за транспорт на воена опрема, бил пронајден првиот дрон наполнет со експлозив. Истражителите се сомневаат и дека втор дрон можеби се судрил со товарен авион на „DHL“, непосредно откако аеродромот бил привремено затворен поради инцидентот.

— реклама —

Германските медиуми, повикувајќи се на неименувани безбедносни извори, објавуваат дека постојат сомневања за вмешаност на руските разузнавачки служби. Москва ги отфрла таквите обвинувања.

Аеродромот Лајпциг/Хале има важна улога како товарен и военологистички центар, а го користат и НАТО и украинската компанија „Антонов ерлајнс“ за транспорт на воена опрема.