Пронајдена марихуана во дом во Старо Балдовци, приведен 25-годишник

Марихуана и гранки од растението канабис биле пронајдени при полициски претрес во селото Старо Балдовци, струмичко. Во врска со случајот, слободата му била одземена на 25-годишен жител на селото.

— реклама —

Како што информира МВР, на 20 октомври во 17:30 часот полициски службеници од СВР Струмица го лишиле од слобода Б.А. (25).

— реклама —

— реклама —

При претресот на неговиот дом, извршен со судска наредба, биле пронајдени тегла исполнета со марихуана и ќесе со гранки од растението канабис.

За случајот бил известен јавен обвинител, а по целосното документирање ќе биде поднесена соодветна пријава против лицето.