Полициски службеници од Единицата за недозволена трговија, во координација со Единицата за интервентна полиција при СВР Скопје, денеска извршиле претрес во дом и други простории што ги користел С.Б. (23) од скопското село Брест.
При претресот била пронајдена и одземена поголема количина кокаин.
По преземените мерки, С.Б. бил лишен од слобода и задржан во Полициската станица Гази Баба поради сомнение за сторено кривично дело по член 215 од Кривичниот законик.
По целосното документирање на случајот, против него ќе биде поднесена соодветна кривична пријава.
