Пронајдени 25 пакувања кафеава прашкаста материја и 14 со марихуана кај двајца осуденици во Идризово

При претрес во Казнено-поправната установа Затвор „Идризово“ биле пронајдени и одземени вкупно 39 пакувања со материја за која постои сомнение дека е наркотична дрога.

— реклама —

— реклама —

Од МВР информираат дека на 5 октомври во 13:30 часот во СВР Скопје било пријавено од КПУ Затвор „Идризово“ дека при извршен претрес кај осудениците Е.Т. (34) од Скопје и А.С. (37) од тетовско биле пронајдени 25 пакувања со кафеава прашкаста материја и 14 пакувања со марихуана.

— реклама —

Пронајдените материјали биле одземени, а по целосното документирање на случајот против двајцата осуденици ќе следуваат соодветни пријави.