Пронајдени 28 пиштоли без дозвола во Куманово, приведен 63-годишник

Полицијата пронашла 28 пиштоли за светлосно-звучна сигнализација без соодветна дозвола во деловен простор во Куманово. Во врска со случајот, лишен од слобода е 63-годишен кумановец.

— реклама —

Од МВР информираат дека акцијата била спроведена на 20 октомври, во 14:20 часот, од полициски службеници на СВР Куманово, во соработка со Одделот за криминалистичка полиција при БЈБ и Одделот за граѓански работи при МВР.

— реклама —

— реклама —

При контролата, во деловниот простор на Љ.М. биле пронајдени 28 пиштоли за светлосно-звучна сигнализација за кои немал дозвола.

Лицето било приведено во полициска станица, а по целосното документирање на случајот против него ќе следува соодветна пријава.