Полицијата во Прилеп привела 47-годишен прилепчанец, откако при претрес во неговиот дом била пронајдена поголема количина марихуана и опрема за нејзино мерење и одгледување.
Како што соопшти МВР, на 18 август во 1 часот по полноќ, полициски службеници од ОВР Прилеп го лишиле од слобода И.Ѓ. (47). Претресот бил извршен со судска наредба од Основниот суд во Прилеп.
Во домот биле пронајдени 85 стебла марихуана, две дигитални ваги, две ќеси со семки од канабис, како и повеќе различни пакувања со марихуана.
Лицето е задржано во полициска станица, а по целосното документирање на случајот против него ќе биде поднесена соодветна пријава.
