Пронајдени девет мигранти кај Гевгелија, уапсени двајца осомничени за криумчарење

Девет мигранти од Авганистан и Египет биле пронајдени во близина на Богородица, гевгелиско, а полицијата лишила од слобода двајца осомничени во врска со случајот, соопшти Министерството за внатрешни работи.

— реклама —

На 11 октомври во 16:50 часот, полициски службеници од граничната полициска станица Богородица запреле и извршиле преглед на возило „шкода“ со скопски регистарски ознаки, управувано од 39-годишниот Б.К. од Скопје. Во возилото биле пронајдени седум мигранти – петмина од Авганистан и двајца од Египет.

— реклама —

Околу 18:30 часот биле пронајдени уште двајца мигранти од Египет, кои биле дел од истата група, но не влегле во возилото на местото викано Краварски пат.

— реклама —

Поради сомнение за сторено кривично дело според член 418-Б од Кривичниот законик, на 12 октомври во 00:05 часот бил лишен од слобода и 17-годишник од Египет со привремен престој во Грција.

— реклама —

Мигрантите биле сместени во прифатно-транзитниот центар во Гевгелија, додека двајцата осомничени биле задржани во полициска станица. По целосното документирање на случајот, од МВР најавуваат соодветна пријава.