Пронајдени марихуана и ризли во возило на стариот пат Тработивиште – Делчево, уапсени две лица

Две лица од делчевско биле лишени од слобода откако полицијата пронашла марихуана и ризли во патничко возило на стариот пат меѓу селото Тработивиште и Делчево, соопшти Министерството за внатрешни работи.

— реклама —

На 12 октомври, во 21:05 часот, полициски службеници од мобилниот тим „Task Force“ при Регионалниот центар за гранични работи Исток го лишиле од слобода Д.К. (29) од селото Полето и У.А. (26) од селото Црник, делчевско.

— реклама —

— реклама —

При преглед на паркирано возило „фолксваген голф“ со делчевски регистарски ознаки, во кое се наоѓале двајцата, биле пронајдени и одземени марихуана и ризли.

Лицата се задржани во Одделението за внатрешни работи Делчево. По целосното документирање на случајот, против нив ќе биде поднесена соодветна пријава.