Пронајдени пиштоли и куршуми во Скопје, приведени две лица

Две лица од Скопје биле лишени од слобода во одделни полициски случаи, при што биле пронајдени и одземени пиштоли, рамки и муниција, информира Министерството за внатрешни работи.

— реклама —

На 5 ноември, во 16:30 часот, во угостителски објект на улицата „Финска“ во Скопје, полициски службеници од Единицата за интервентна полиција го привеле 37-годишниот Е.О. При прегледот кај него бил пронајден и одземен пиштол. Тој се сомничи за сторено кривично дело според член 396 од Кривичниот законик.

— реклама —

— реклама —

Во друг случај, полициски службеници го лишиле од слобода и 64-годишниот З.И. од Скопје, по претходна пријава дека со огнено оружје упатувал закани кон едно лице. При проверките на подрачјето на Центар биле пронајдени и одземени пиштол и рамка со куршуми. Дополнително, при преглед на патничко возило „форд“ биле пронајдени уште една рамка за пиштол и муниција.

— реклама —

Од МВР информираат дека по целосното документирање на двата случаи ќе следуваат соодветни пријави.