Пронајдено тело во буре во Србија, поврзано со пукањето во Белград

Во Србија, во близина на Инѓија, во буре е пронајдено тело на засега непознато лице, а српските медиуми неофицијално објавуваат дека постои сомнеж оти станува збор за Александар Нешовиќ Баја, кој исчезна пред девет дена по пукање во ресторан на белградскиот Сењак.

— реклама —

Во тек се проверки и анализи за утврдување на точниот идентитет на пронајденото тело.

— реклама —

Потрагата по Нешовиќ траеше повеќе денови, а во случајот досега се уапсени десет лица. Меѓу приведените е и Веселин Милиќ, началникот на Полициската управа за град Белград, кој истиот ден беше разрешен од функцијата.

— реклама —

Во потрагата учествуваа голем број припадници на полицијата, Жандармеријата, а подоцна беа вклучени и единици на Војската на Србија. Пребарувањето беше фокусирано околу Јарковачкото Езеро, недалеку од Инѓија.

Според сомнежите на истражителите, Саша Вуковиќ Боске е лицето кое пукало во Нешовиќ во ресторанот „27“, пред присутни полицајци, по што телото било однесено на непозната локација.