Експлозивна направа што потекнува од Втората светска војна била пронајдена на таванскиот простор на семејна куќа, при изведување градежни работи на кровната конструкција.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Според информациите од Министерството за внатрешни работи, на 15 октомври 2026 година, во 8:10 часот, во Полициската станица Македонски Брод било пријавено дека 46-годишниот А.С. од Кичево ја пронашол направата додека работел на покривот на куќата.
На местото бил испратен пиротехничар од Дирекцијата за заштита и спасување, кој безбедно ја подигнал експлозивната направа. По проверката било утврдено дека станува збор за противпешадиска распрскувачка потезна мина од Втората светска војна.
