Просветните работници протестираат - бараат повисоки плати и сигурни работни места

Под мотото „Пристојна плата- сигурни работни места“, вработените од јавниот сектор, образованието, културата и науката, денеска на протестен марш низ Штип. Тие остануваат на своите барања за покачување на платите, во спротивно се закануваат со генерален штрајк во администрацијата и образованието.

— реклама —

„Покачување на платите од јануари 2019, согласно процентот по кој е покачена минималната плата, стоп за трансферот од јавен во приватен сектор.“ - вели Благоја Ралповски претседател на КСС.

— реклама —

„Доколку имаше слух владата, ние немаше и во Прилеп да протестираме и денес, но очигледно е дека овие луѓе, но и луѓе во јавната администрација се незадоволни од состојбите и по вакво лошо време се охграбрија да излезат на јавен протест.“ - вели Јаким Неделков претседател ан СОНК.

— реклама —

Учесниците на протестот не се оптимисти дека барањата ќе им бидат прифатени, но тие како што велат повторно ќе излезат на улица затоа што платите им се ниски и недостојни за живот.

На списокот барања се и потпишување на колективни договори за високото образование и вработените во Министерството за труд и социјала, но и стоп за селекцијата на синдикатите во културата.