Сите обвинети кои признаа вина во „Титаник“, судијата Осман Шабани ги осуди.
Мартин Протуѓер кој се смета за близок на Никола Груевски доби условна казна затвор. Миле Јанакиевски доби казна затвор од 4 години и 6 месеци.
Гордана Јанкуловска која беше министерка за внатрешни работи е осудена на 2 години и 6 месеци. Билјана Бришковска е казнета со условна казна, која ќе биде затвор од две години ако направи исто кривично дело следните пет години. Исто и Катерина Веловска која беше поранешна заменик-министерка за економија доби условна казна. На Киро Тодоровски, шеф на кабинет на Јанкуловска, му е досудена условна казна. Мунир Пепиќ, кој е осуден за “27 април”, сега доби казна затвор од една година. Коста Митровски доби три години затвор.
Обвинетите беа гонети за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања.
Освен тие што признаа вина обвинети во Титаник се и поранешниот премиер Никола Груевски кој е во бегство, екс генералниот секретар на владата Кирил Божиновски, поранешниот пратеник Илија Димовски, некогашниот градоначалник на Пустец Едмонд Темелко како и уште други 12 обвинети за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања.
