Полицијата во Охрид приведе 33-годишен жител на градот, поради сомнение дека физички нападнал 25-годишна девојка додека била на работа.
„На 04.10.2025 година во 13:30 часот, на булеварот ‘Туристичка’ во Охрид, врз основа на локален распис лишен од слобода е А.Д. (33) од Охрид. Тој, на 03.10.2025 година во СВР Охрид беше пријавен дека подолг временски период ја вознемирувал, а на 29.09.2025 и физички ја нападнал 25-годишната охриѓанка, додека била на своето работно место“, информираат од полицијата.
Против осомничениот ќе биде поднесена кривична пријава за тешка телесна повреда по член 131 од Кривичниот законик.
