„Прво уставни измени, потоа редефинирање на историјата и идентитетот, до таму е спремен да оди специјалниот пратеник на Радев, Венко Филипче“, вели Манасиевски

Портпаролот на ВМРО-ДПМНЕ, Валентин Манасиевски, на денешната прес-конференција обвини дека лидерот на СДСМ, Венко Филипче, е подготвен да прифати уставни измени и редефинирање на македонската историја и идентитет.

— реклама —

„Прво спроведување на уставни измени, а потоа редефинирање на историјата и идентитетот. До таму е спремен да оди специјалниот бугарски пратеник на Румен Радев, Венко Филипче“, изјави Манасиевски.

Тој обвини дека Филипче е „на иста линија“ со Виктор Стојанов од фондацијата „Македонија“, како и со бугарската министерка Петрова Чамова, тврдејќи дека тие шират ставови со кои се негира македонскиот идентитет и историја.

— реклама —

Манасиевски посочи дека, според ВМРО-ДПМНЕ, Бугарија ја блокира Македонија во евроинтегративниот процес поради сопствени интереси.

— реклама —

„Бугарските власти ги најдоа меките ткива во политиката во Македонија, како Зоран Заев, Димитар Ковачевски и сега Венко Филипче, кои слугуваат на туѓи интереси на штета на македонските“, рече тој.

Од ВМРО-ДПМНЕ порачаа дека нема да дозволат, како што велат, „бугаризација“ на македонските историски личности и идентитет.

— реклама —

„Македонија има своја историја, свој идентитет и свој македонски јазик. Сè додека ВМРО-ДПМНЕ е на власт, нема да дозволиме погазување на нашето достоинство“, истакна Манасиевски.