Психолозите предупредуваат дека претераната фокусираност на себе и сопствената независност може да биде причина поради која многу луѓе тешко наоѓаат партнер и градат стабилни врски.
Во книгата „Generation Me“, психологинката Џин Твенг објаснува дека младите родени помеѓу 1982 и 2004 година биле воспитувани да бидат посамостојни и посигурни во себе од претходните генерации.
Но, според неа, тоа има и негативна страна – многумина развиле индивидуални способности, но не и вештини потребни за квалитетни односи и блискост со други луѓе.
Психолозите велат дека младите со години слушале дека најважно е да се сакаат себеси и да не се грижат премногу што мислат другите.
Иако самодовербата и самопочитта се важни, претераната насоченост кон сопствените потреби може да доведе до занемарување на чувствата и потребите на другите.
Социјалната работничка Кејтлин Кантор ова го нарекува „менталитет на армија од еден човек“, што, според неа, негативно влијае врз љубовните односи.
Таа смета дека многу луѓе денес имаат потешкотии со блискост, ранливост и интимност затоа што никогаш не научиле како да зависат од други луѓе.
Сепак, експертите нагласуваат дека овие вештини можат да се научат.
Наместо секогаш себеси да се ставаат на прво место, психолозите советуваат поголема флексибилност и рамнотежа меѓу личните потреби и потребите на партнерот.
