Полицијата привела 26-годишен скопјанец поради сомнение дека пукал со пиштол во воздух од возило во движење, додека гости излегувале од угостителски објект на улицата „Драчевска“ во Скопје.
Од МВР информираат дека на 19 август во 13:50 часот, полициски службеници од СВР Скопје го лишиле од слобода Л. Р. (26) од Скопје поради сомнение за сторено кривично дело по член 396 од Кривичниот законик.
Според пријавеното, тој бил затекнат во двор на угостителски објект на истата улица, во момент кога од објектот излегувале гости. Осомничениот од возило во движење со пиштол испукал неколку куршуми во воздух.
Пиштолот му бил одземен, а лицето било приведено и задржано во полициска станица.
По целосното документирање на случајот и во координација со јавен обвинител, против него ќе биде поднесена соодветна кривична пријава.
