Пукале од мопед во движење кон „ауди“ кај Куманово

Инцидент со огнено оружје се случил рано утрово на локалниот пат меѓу населбата Карпош во Куманово и селото Никуљане во Општина Старо Нагоричане, кога од мопед во движење било пукано кон патничко возило.

— реклама —

Според МВР, околу 2:40 часот од мопед на кој се превезувале две лица биле испукани неколку куршуми кон „ауди“ со кумановски регистарски ознаки, управувано од 34-годишниот Д.Д. од Куманово.

— реклама —

— реклама —

Во инцидентот нема повредени лица.

— реклама —

Екипа од СВР Куманово извршила увид на местото, а полицијата презема мерки за пронаоѓање на сторителите и целосно расчистување на случајот.