Пукање од возило на влезот на Арачиново, 48-годишен маж итно пренесен во болница

Четириесет и осумгодишен скопјанец бил повреден со огнено оружје во близина на влезот во селото Арачиново, скопско.

Од МВР информираат дека на 8 септември околу 1:50 часот во СВР Скопје било пријавено од ЈЗУ „Св. Наум Охридски“ дека кај нив бил донесен А.М.(48) од Скопје со повреди од огнено оружје.

— реклама —

Според пријавеното, тој се здобил со повредите на влезот во Арачиново, откако од возило едно лице, кое му било познато, а било во придружба на уште едно лице, пукало кон него со огнено оружје.

— реклама —

Од МВР преземаат мерки за расчистување на случајот.