Голема полициска акција е во тек во јужниот дел на Келн, Германија, по пукање во еден угостителски објект.
Инцидентот се случил во кафуле на улицата „Бонер“, каде што полицијата по пукањето пронашла неколку траги од куршуми и чаури.
Полициските сили го блокирале подрачјето и трагаат по лицето што пукало.
Засега не се познати причините за инцидентот, ниту дали напаѓачот дејствувал сам. Полицијата сè уште нема соопштено дали има повредени или загинати.
Повеќе информации се очекуваат по завршувањето на увидот и истрагата.
