Во училиште во Украина се случи вооружен инцидент кога ученик од деветто одделение пукал кон свој соученик, по што бил приведен од полицијата.
Според соопштението на украинските власти, настанот бил пријавен околу 9:30 часот, кога ученикот за време на час извадил пиштол, им се заканувал на присутните, а потоа испукал два куршуми, при што ранил соученик. По инцидентот, тој се обидел да избега, но подоцна бил пронајден и уапсен.
Полицијата го одзела оружјето, за кое се претпоставува дека е т.н. трауматски пиштол, наменет за самозаштита со гумени куршуми. Надлежните институции истражуваат како малолетникот дошол до оружјето, имајќи предвид дека за негово поседување е потребна посебна дозвола.
Повредениот ученик добил медицинска помош, а истрагата за случајот е во тек, при што ќе се утврдува и правната квалификација на настанот.
