Најмалку шест лица се ранети, а една девојка е убиена при пукање во хотел во центарот на Финикс, во американската сојузна држава Аризона, соопштија американските власти.
Инцидентот се случил во хотел околу 11 часот и 30 минути по локално време.
Според информациите од полицијата, двајца мажи имале расправија со група луѓе, при што еден од осомничените извадил пиштол и почнал да пука.
Повредени се вкупно шест лица, а според медиумите една девојка (18) починала. Три лица се во критична состојба.
Еден од осомничените е исто така повреден и во моментов се наоѓа во болница. Полицијата објави дека се уште се трага по вториот осомничен.
