Рускиот претседател Владимир Путин изјави дека Русија нема агресивни намери кон Европа и европските држави, наведувајќи дека Москва е подготвена да ги обнови односите и да соработува со своите европски соседи.
Зборувајќи на состанокот на Воено-индустриската комисија, Путин обвини одредени европски лидери дека се подготвуваат за војна со Русија и оцени дека конфликтот во Украина и наводната руска закана се користат за оправдување на нивните политики.
„Сакам уште еднаш да нагласам: Русија нема агресивни намери кон Европа или европските земји. За тоа едноставно нема никаква основа. Подготвени сме за соработка и обновување на односите со нашите европски соседи“, рече Путин.
Путин ги критикуваше европските земји поради одржувањето воени вежби во Балтичкото Море, тврдејќи дека тие вклучуваат подготовки за заплена на цивилни пловила.
„Постојано зборуваат за одбрана на меѓународното право и почитување на неговите норми, а сепак се подготвуваат за заплена на цивилни пловила“, рече Путин.
Рускиот претседател порача дека Москва ќе реагира доколку тоа биде потребно.
„Оставете нè да живееме во мир – во спротивно и ние ќе бидеме принудени да реагираме“, рече Путин.
Путин ги претстави приоритетите на новата руска државна програма за вооружување, наведувајќи дека акцентот ќе биде ставен на модернизацијата на вооружените сили и одбранбената индустрија поради, како што рече, променливите глобални закани.
Зајакнувањето на руската нуклеарна тријада го означи како апсолутен приоритет на програмата, истакнувајќи дека таа го гарантира суверенитетот на земјата и придонесува за одржување на глобалната рамнотежа на силите.
Путин рече дека 92 отсто од руските Стратешки ракетни сили се опремени со современо оружје.
Меѓу клучните приоритети Путин ги вброи и зајакнувањето на противвоздушната одбрана, пошироката употреба на беспилотни и роботизирани системи, развојот на прецизно оружје, како и завршувањето на руската орбитална сателитска констелација.
Според неговите зборови, таа сателитска мрежа треба да ги унапреди можностите за вселенско извидување, навигација, комуникации и широкопојасен интернет.
Истовремено, таа треба да овозможи командување и надзор над воените сили и оружјето во реално време.
Полскиот премиер предупредува: Русија планира хибридни напади врз земји од НАТО
Полскиот премиер Доналд Туск во Сејмот изјави дека, според проценките на разузнавачките служби, во руските планови се вклучени и хибридни напади со дронови и ракети врз земјите кои ја поддржуваат Украина, вклучително и Полска.„Во рускиот план, според проценката на разузнавачките служби, се вклучени и хибридни напади со дронови и ракети врз државите кои ја поддржуваат Украина, вклучително и Полска“, рече Туск.Тој додаде дека за оваа можност се зборува веќе подолго време, но дека информациите со к
Свет | пред 5 часа
