Путин, Ердоган и Моди на отворањето на Светските номадски игри во Киргистан

Во Бишкек, главниот град на Киргистан, започнаа Шестите светски номадски игри, на кои учествуваат повеќе од 3.000 спортисти од 113 земји.

— реклама —

Свеченото отворање се одржа во „Бишкек арена“, а на настанот присуствуваа рускиот претседател Владимир Путин, турскиот претседател Реџеп Таип Ердоган, индискиот премиер Нарендра Моди, пакистанскиот премиер Шехбаз Шариф, белорускиот претседател Александар Лукашенко и други високи претставници.

— реклама —

На игрите се предвидени 43 спортски дисциплини, со кои се претставуваат културното наследство и традициите на номадските народи од Централна Азија. Меѓу дисциплините се стрелаштво од коњ, борење, фрлање копје, носење или подигање камења, како и симулација на лов со грабливи птици.

— реклама —

Светските номадски игри за првпат се одржале во 2014 година во Киргистан, а во 2021 година УНЕСКО ги вброил на своите списоци на нематеријално културно наследство.

— реклама —

Отворањето на игрите се одржа во пресрет на самитот на Шангајската организација за соработка, која главно ја сочинуваат азиски земји. Организацијата е формирана пред околу четвртина век по иницијатива на Кина и Русија, а денес има девет членки: Кина, Русија, Индија, Пакистан, Иран, Казахстан, Таџикистан, Узбекистан и Киргистан.