Путин и Ким започнаа разговори во Пјонгјанг

Рускиот претседател Владимир Путин и севернокорејскиот лидер Ким Џонг Ун денеска во Пјонгјанг ги започнаа разговорите како дел од делегациите од Русија и Северна Кореја.

— реклама —

Од руска страна, меѓу другите, учествуваат министерот за надворешни работи Сергеј Лавров, првиот вицепремиер Денис Мантуров, вицепремиерот Александар Новак и портпаролот на Кремљ Дмитриј Песков, пренесе РИА Новости.

Од корејска страна во разговорите учествуваат министерот за надворешни работи Чои Сонг Хи, заменик-претседателот на Централниот воен комитет на Работничката партија на Северна Кореја Парк Чонг Чон и заменик министерот за надворешни работи Им Чонг Ил.

— реклама —

Путин и Ким ќе разговараат за меѓународната агенда, безбедносните прашања, соработката во областа на економијата, енергетиката, транспортот и земјоделството.

— реклама —

На програмата на посетата е гала концерт во чест на посетата на Путин, државен прием и положување венец на Споменикот на ослободувањето, кој е посветен на војниците на Црвената армија кои ја ослободија Кореја за време на Втората светска војна.

Путин последен пат ја посети Северна Кореја во 2000 година.

— реклама —

Ким ја посети Русија од 12 до 17 септември кога го покани Путин да го посети Пјонгјанг.