Рускиот претседател Владимир Путин одржа состанок со членовите на Советот за безбедност, посветен на дополнителни мерки за антитерористичка заштита на инфраструктурните објекти, по зачестените напади со украински беспилотни летала.
„Денешната тема се дополнителните мерки за зајакнување на антитерористичката заштита на инфраструктурните објекти“, изјавил Путин на почетокот на состанокот, по што извештај поднел директорот на Федералната служба за безбедност (ФСБ), Александар Бортников.
На состанокот присуствувале и претседателот на Државната дума, Вјачеслав Володин, заменик-претседателот на Советот за безбедност, Дмитриј Медведев, министерот за одбрана, Андреј Белоусов, вицепремиерот Александар Новак и секретарот на Советот за безбедност, Сергеј Шојгу.
Состанокот се одржа откако претходно денеска гувернерот на Свердловската област соопшти дека три украински дронови паднале врз покривот на логистички центар на компанијата „Вајлдбериз“, при што сите вработени биле евакуирани, а повредени нема.
Руските власти наведуваат дека во претходните напади врз логистичките центри на истата компанија во Тамбовската и Ленинградската област загинало едно лице, а најмалку 39 биле повредени.
