Путин нареди тридневен прекин на нападите врз Киев

Рускиот претседател Владимир Путин им наредил на руските сили во следните три дена да се воздржат од напади врз Киев, соопшти портпаролот на Кремљ, Дмитриј Песков.

— реклама —

Според Песков, наредбата важи од денеска и е поврзана со подготовката и одржувањето на средби на американски претставници во Киев.

„Рускиот претседател и врховен командант Путин издаде наредба руските сили да се воздржат од напади врз Киев три дена, почнувајќи од денеска. Ова е поврзано со подготовката и одржувањето на американските средби во Киев“, изјави Песков.

— реклама —

Во исто време, Путин треба да се сретне во Москва со специјалните пратеници на американскиот претседател Доналд Трамп, Стив Виткоф и Џаред Кушнер. Американските претставници веќе пристигнале во руската престолнина.

— реклама —

Песков рече дека засега нема информации за нови предлози за решавање на конфликтот во Украина. Претходно и Трамп изјави дека нема нови идеи во однос на прекинот на конфликтот.

Кремљ најави дека јавноста ќе биде информирана за резултатите од средбата меѓу Путин и американските преговарачи.

Во меѓувреме, украински медиуми претходно објавија дека украинските вооружени сили прогласиле прекин на огнот од полноќ на 5 септември до 8 септември.