Рускиот претседател Владимир Путин изјави дека доколку биде потпишан мировен договор со Украина, по завршувањето на конфликтот би можел да каже: „Фала му на Бога, сè е готово“.
Путин ова го изјави за време на средба со раководители на меѓународни новински агенции во рамки на Меѓународен економски форум во Санкт Петербург.
„Што се однесува до тоа што би можеле да си кажеме едни на други ако дојдеме до крајот на конфликтот, барем би можеле и треба да кажеме: ‘Фала му на Бога што сè е готово’“, рече рускиот претседател.
Меѓународниот економски форум во Санкт Петербург се одржува од 3 до 6 јуни.
