Рускиот претседател Владимир Путин потврди дека во ноември ќе учествува на годишниот самит на Азиско-пацифичката економска соработка (АПЕК), кој годинава ќе се одржи во кинескиот град Шенжен.
Путин ја соопштил својата намера за време на средбата со кинескиот претседател Си Џинпинг, објави руската државна агенција ТАСС.
На економскиот форум традиционално учествуваат лидерите на Русија и Кина, а често присуствуваат и претставници на САД.
Американските власти веќе најавија дека ќе испратат делегација на самитот, но засега не е потврдено дали во неа ќе биде и американскиот претседател Доналд Трамп.
