Путин седна зад воланот на новата „Волга“ К50: Еве како ја оцени

Рускиот претседател Владимир Путин лично ја тестираше и позитивно ја оцени новата руска „Волга“ К50 за време на работната посета на Нижни Новгород.

Путин претходно се запозна со карактеристиките на новата линија автомобили „Волга“, по што ги испроба возачкото и совозачкото седиште, објави „Спутник“.

— реклама —

Рускиот претседател потоа седна зад воланот на кросоверот „Волга“ К50 и го возеше автомобилот меѓу два производствени погони во рамките на автомобилскиот кластер во Нижни Новгород.

По возењето, Путин изјави дека во кабината е „удобно и тивко“, додека автомобилот го оцени со зборовите дека „многу добро се вози“.

— реклама —

За време на посетата на фабриката, Путин зборуваше и за иднината на автомобилскиот транспорт, оценувајќи дека таа најверојатно им припаѓа на хибридните возила.

„Иднината најверојатно им припаѓа на хибридните видови транспорт, а за нас природниот гас како гориво, се разбира, изгледа најперспективно“, изјави Путин.

— реклама —

Тој додаде дека експертите во Европа сега разгледуваат дали било оправдано сите напори да се насочат исклучиво кон развој на електричниот транспорт.

„Волга“ К50 е нов кросовер од Д-сегментот и е еден од моделите со кои официјално се означува враќањето и оживувањето на легендарниот советски автомобилски бренд „Волга“.

Сепак, автомобилот не е целосно оригинален руски производ. Тој е лиценциран, ребрендиран модел базиран на кинескиот SUV Geely Monjaro.

Производството и склопувањето на автомобилите се одвиваат во Нижни Новгород, во производствените капацитети на поранешната фабрика на Volkswagen.