Путин: Војната во Украина се приближува кон крајот, подготвени сме за преговори

Рускиот претседател Владимир Путин изјави дека Кремљ е подготвен за продолжување на преговорите со Украина и оцени дека конфликтот се приближува кон крајот.

— реклама —

Во обраќање за состојбата на фронтот, Путин повторно ја нарече војната „специјална воена операција“, но не даде конкретен рок за евентуален крај на судирот.

Тој тврди дека руските сили напредуваат на сите правци на бојното поле и порача дека Русија не претставува закана за Европа, ниту планира конфликт со европските земји.

— реклама —

„Подготвени сме за продолжување на дијалогот со Киев“, изјави Путин, иако паралелно нагласи дека Москва продолжува со воените операции.

— реклама —

Рускиот претседател се осврна и на инцидентот со дрон кој погоди станбена зграда во романскиот град Галаци. Тој сугерираше дека за инцидентот би можела да биде одговорна Украина, а не Русија.

„Украински дронови и претходно летаа кон Полска и балтичките држави. Мислам дека и овде имаме слична ситуација“, рече Путин.

— реклама —

Тој ја обвини Европската Унија дека пребрзо ја посочува Русија како виновник и побара Романија да ги предаде остатоците од леталото на Москва за да може Русија да спроведе сопствена истрага за потеклото на дронот.