Екипите на ЈП Улици и патишта Скопје со почеток од денес 21.03.2022г. до 27.03.2022г. ќе учествуваат со работни активности во пролетната акција во општина Кисела Вода, во координација со Град Скопје и другите јавни претпријатија.
Екипите денес започнаа со санација на ударните дупки на булеварот Борис Трајковски и обележување на автобуските постојки, а деновиве во општина Кисела Вода ќе продолжат со следните активности:
-санација на ударни дупки на булевар Борис Трајковски и на улиците Киро Фетак и улица Јустинијан Први
-контрола и обнова на недостатоците на вертикалната сигнализација на булеварот Борис Трајковски и ул.Јустинијан Први
-обележување на хоризонталната сигнализација на автобуските постојки на булевар Борис Трајковски и улица Јустинијан Први
-поставување на платоа за успорување на брзината на возилата на улица Јустинијан Први кај ОУ „Климент Охридски“, како и
-дополнителна контрола на светлосната сигнализација на горенаведените улици.
По завршувањето на работните активности во оваа општина, екипите од наредната недела продолжуваат со работа и во наредните општини.
