Четириесет и деветгодишен жител на Студеничани е тешко повреден откако паднал од висина додека извршувал работни задачи во објект во изградба во скопската Општина Карпош.
Од МВР информираат дека на 30 август во 17:45 часот во СВР Скопје било пријавено од Градската општа болница „8 Септември“ дека кај нив со тешки телесни повреди бил донесен А.К. (49) од село Студеничани.
Според пријавеното, несреќата се случила околу 15 часот, кога на работникот му се слошило додека ги извршувал работните задачи, по што паднал од висина.
За случајот се известени јавен обвинител и трудов инспектор.
