Работник тешко повреден во фабрика во Форино, пренесен на лекување во Скопје

Тешко повреден 37-годишен жител на Чегране бил пренесен на лекување во Скопје, откако се повредил при извршување на работните задачи во фабрика во селото Форино, гостиварско.

— реклама —

Според информациите на Министерството за внатрешни работи, случајот бил пријавен вчера во 12 часот во ОВР Гостивар од страна на Медицинскиот центар во Гостивар, каде што Е.А. бил донесен со тешки телесни повреди.

— реклама —

Поради сериозноста на повредите, тој веднаш бил пренесен во Комплексот клиники „Мајка Тереза“ во Скопје за понатамошно лекување.

— реклама —

За случајот бил известен јавен обвинител, како и Државниот инспекторат за труд. На местото на настанот увид извршила екипа од ОВР Гостивар.

— реклама —

Од МВР информираат дека се преземаат мерки за целосно расчистување на околностите под кои дошло до повредувањето.