Четириесет и осумгодишен маж се здобил со тешки телесни повреди при извршување работни задачи во фирма на подрачјето на скопската населба Чаир, соопшти Министерството за внатрешни работи.
Според информациите, на 30 јуни околу 21:35 часот во СВР Скопје од Комплексот клиники „Мајка Тереза“ било пријавено дека кај нив со тешки телесни повреди бил донесен А.К. (48).
Како што е пријавено, повредите ги здобил додека извршувал работни задачи во фирма на подрачјето на Чаир.
Полициски службеници извршиле увид на местото на настанот, а за случајот бил известен и трудов инспектор.
