Работник тешко повреден при пад од зграда во Куманово

Шеесет и петгодишен жител на Куманово се здобил со тешки телесни повреди откако паднал од зграда додека извршувал работни задачи, соопшти Министерството за внатрешни работи.

— реклама —

Според информациите, на 21 јули во 17:00 часот во СВР Куманово, лекар од Итната медицинска помош пријавил дека кај нив со тешки телесни повреди бил донесен С.Т. (65) од Куманово.

— реклама —

Како што е пријавено, тој се повредил при пад од зграда на булеварот „Октомвриска револуција“ додека извршувал работни задачи.

— реклама —

Поради сериозноста на повредите, бил пренесен во Комплексот клиники „Мајка Тереза“ во Скопје за понатамошно лекување.

— реклама —

Од МВР информираат дека се преземаат мерки за целосно расчистување на случајот.