Работник загина откако беше удрен од дрво при нелегална сеча на над 30 кубни метри дрвна маса

ОВР Струга поднесе кривична пријава против С.М. (53) од струшкото село Мислодежда поради сомнение дека сторил кривични дела „пустошење шуми“ и „непреземање мерки за заштита при работа“, соопшти Министерството за внатрешни работи.

— реклама —

Според полицијата, на 20 април 2026 година, без претходно одобрение за сеча и спротивно на одредбите од Законот за шуми, на туѓ недвижен имот на локалитетот Лениште, во атарот на селото Мислодежда, пријавениот ангажирал работници без склучени договори за работа и неовластено исекол 107 стебла бука и три стебла габер, односно вкупно 31,9 кубни метри огревна дрвна маса.

— реклама —

— реклама —

За време на сечата, работникот Р.Д. (46) од Скопје бил удрен од дрво, по што им подлегнал на повредите во Општата болница во Струга.

— реклама —

Увид на местото на несреќата извршиле јавен обвинител од Основното јавно обвинителство Струга, полициски службеници, претставници на Државниот инспекторат за труд, Државниот инспекторат за шумарство и Шумската полиција.