Полицијата приведе 33-годишен скопјанец во Гази Баба, откако при претрес во неговиот дом била пронајдена рачна бомба.
Од МВР информираат дека на 1 октомври во 19:35 часот, полициски службеници од СВР Скопје го лишиле од слобода Б.С. (33) од Скопје.
При претресот, извршен со судска наредба, во неговиот дом била пронајдена и одземена рачна бомба „кашикара“.
Лицето е задржано во полициска станица, а по целосното документирање на случајот против него ќе биде поднесена соодветна пријава.
