На 4 јуни околу 13:30 часот во СВР Скопје, 69-годишната В.Н. од Скопје пријавила дека ден претходно, додека чистела шкаф со алат во семејната куќа, пронашла предмет што наликувал на експлозивна направа.
Според пријавата, станува збор за рачна бомба на која имало натпис „СРБ“ и „БР. М75 школска“.
Од Министерството за внатрешни работи информираат дека се преземаат мерки за целосно расчистување на случајот и утврдување на потеклото на пронајдениот предмет.
