Радев: „Бугарија може да биде врата на Европа за Кина“

Бугарија сака да се наметне како важна врска меѓу Кина и европските пазари, користејќи ја својата географска положба и членството во Европската Унија. Ова го истакнал бугарскиот премиер Румен Радев на средбата со кинескиот министер за надворешни работи Ванг Ји во Софија.

— реклама —

На средбата биле разгледани можностите за нови инвестиции, инфраструктурни проекти и продлабочување на економската соработка. Радев ги издвоил транспортот, енергетиката, дигиталната инфраструктура, производството на електрични автомобили, земјоделството и високите технологии како сектори со потенцијал за заеднички проекти.

— реклама —

Посетата на Ванг Ји, која трае од 14 до 20 октомври, е дел од дипломатска турнеја што ги опфаќа и Азербејџан, Црна Гора и Хрватска. Овие земји имаат значење за транспортните и логистичките правци преку кои Кина настојува да ја подобри трговската поврзаност со Европа.

— реклама —

Бугарија и Кина имаат стратешко партнерство од 2019 година, кога Румен Радев, тогаш претседател на Бугарија, и кинескиот претседател Си Џинпинг усвоија заедничка декларација за унапредување на билатералните односи.

Радев потсетил и дека Бугарија била меѓу првите земји што ја признале Народна Република Кина во 1949 година.