Aлбанскиот премиер Еди Рама не е оптимист за она што ќе се случи следната недела во Советот на Европа, каде ќе се дискутира за отпочнување на преговорите на Албанија и Северна Македонија со Европската унија.
„Дали сум оптимист? Не“, одговорил Рама за ирскиот весник „Ајриш Тајмс“, пренесува тиранската телевизија Топ чанел.
Рама вели дека не може да се биде оптимист кога се гледа она што се случува во Европа.
Оптимист сум за иднината на Албанија, додава Рама, но не и за она што ќе се случува идната недела.
